بمناسبه المنشور بتاع أمس عن الأمثال السودانية
وخاصة المثل الأول
حلاة البوره في الدكتورة
نصيحه
#قواعد_الزواج_من_طبيبة
مقال موجه لازواج الطبيات .. بعد ان وقعت الفاس في الراس .. اما بالنسبه للناس العندهم النيه .. ف الوقايه خير من العلاج .. وهدا كلمناكم من البدايه .. عشان ما نبقى في دقوهو وشالو عجلتو .. :-D
#وقد_عنجر_من_بنجر
1/قواعد المناسبات الاجتماعية :
ما عندها زمن لي عرس بت خالتك ولا صبحيه بت عمه جيرانكم ولا اربعين خالة مرت كديستكم .. هي يا ماشه ديوتي يا جايه من ديوتي .. يا عندها امتحان يا خلصت امتحان .. اعفينا منك ومن مجاملات اهلك الما بتنتهي واكتفي باقارب الدرجه الاولى ..
اساسا الونسه بتاعت النسوان في المجتمعات دي ما بستهويها .. فلانه عرسوها وفلانه طلقوها وفلانه جابو ليها كرسي جابر من دبي ..
2/قواعد الرد على التليفون :
ارحم خيالك الواسع .. ما ردت يعني مشغوله .. يعني شنوو ؟؟ مشغووله .. ما تسكها بالتلفونات كتير لانو غالبا نغمتها بتكون Nokia tone ..متخيل نوكيا تون كخلفيه موسيقيه وهي بتعمل في انعاش قلبي لي عيان بيموت؟؟ اتخيلتا صح :-\
#لمن_تخلص_حا_ترجع_ليك
#حاااا_ترجع_ليك
3/قواعد الفسح والسفر :
ما تجي تعمل فيها رشدي اباظه وتقول ليها عندي ليكي مفاجأة تذكرتين سفر على دبي !!
اسالها اول .. اسالها اول .. اكرر اسالها اول ..
عشان ما تنقصف جبهتك لمن تعرف انها اونكول الاسبوع دا كلو .. او امتحانها في نفس يوم السفر ..
#اللهم_اني_قد_كلمتهم
ما تقول ليها ارح نتعشى بره وهي داخله من النبطشيه .. عشان ما تقعد تتلفت في المطعم وتعاين لي البنات المسرحات ونضيفات بالمقارنه مع زوجتك اللابسه سكرب وريحتها زايلوكين جل :-\
5/قانون الاعياد والاجازات الرسميه :
وطبقا لقانون أينشتاين .. ف اكتر الايام زحمه وشغل في المستشفيات هي ايام الاجازات والاعياد .. النغمه بتاعت لينا سبعه سنين ما ضقنا خروفنا ولازم نضبح عند ناس امي دي انساها ..
ما لازم تاكل مرارة ..
ما لازم تاكل كمونيه ..
ما ضروري كبدة نيه ..
لو ضبحت ليك سندوتش طعميه اكلو وانت ساكت ..
#مش_لازم_ناكل_بطيخ
6/قواعد الغدا :
السؤال الفلسفي بتاع : الغدا شنو دا تنساهو خالص يا بيبي .. اكل اي حاجه .. افتح علبه تونه ومشي نفسك .. اخطف ليك سندوتش من كنتاكي واملا بطنك .. "ما تنسى تجيب للشفع"
هي مبرمجه على انها ترفع السكر في دمها بي بسكويته وقهوة لمن تهبط في الشغل .. ما تركز معاها كتير وعيش حياتك ..
7/قواعد تربيه الشفع :
ايوه هي دكتورة .. وامتحنت علمي .. لكن دا ما معناهو انها تذاكر للشفع دورة حياة دب الغابه البلجيكي ولا تحفظهم التركيب الهيدروجيني للسرخسيات وذوات الخليه الواحدة .. "على فكرة الكلام دا ما بيلاقيهم تاني اساسا " .. درسهم انت .. ولو ماعجبك اطلع من البيت يابيبي
منقول للأمانة
ليست هناك تعليقات:
إرسال تعليق