بادي ود العمدة من قبيله معروفه بالكرم والهنبته
ناس من قاموا سكاكينهم حمرا بالحيل
ناس دويانهم للغاشي والماشي
حتي حريمهم ما بقلو من رجالهم
والسبب التربيه الواحد بربي بنتو علي انها شرف غالي أنها أثمن واغلي كمان مابتقل علي راجل في الكرم وأمور بيته هي خلقت لا تكون زعيمة بيتها في داخل
اها بادي كان زول كعب زول شراني بلحيل كان بركب ابلوا
بمروق الصيد والسرقة
كان بمشي شمال الوادي كان بتاجر فوق السلاح
كان زول قناص شديد رميتو ما بجلي تب كان فوق عينك بجيبها لو قصدك كان زول رقيق ضعيف
ما بضعف نهائي ضعف رشاقة خفه زي الدابي ابدرقه
كمان ليهو شنب تقول ضنب كديس شعرو فوق ضهرو ملفح تب بالعمه
بلحيل عاجبوا ابلو أي آبل
كان مسمي العشاري
كمان مجيهو تب المخلوفه مجلده تب
كمان الخرج من الشعر يعني خرجو مجيهو تب كان زول لبيس
بعدين قصد كنبو ناس عشره كان زول ماعندو رحمه كان بسرق الشفع
زمان ناس عنصرين كان بمشي ابيعهم ليك عشان اسرحو لي العرب الفوق الوادي أو البطانة كان بخطف الشفع فوق الخرج بغشهم ليك بالحلوة اها زولك صبح معروف هنباتي
بلحيل بجرس الناس زولا قارع تب
اها خطف ليهوا كم واحد من البركان بقي ماشي تلاته يوم فوق الفيافي شرابو لبن الإبل والغنم بعملهم حماضه كمان العجوه والتمر ما بتفارق خرجوا
وصل بعاهم فوق الطريق خرط لو بقر فوق قدامو بقي كاشيهم ليك الناس لاحقوا ليك واحد بعرفوا قال لي بادي ديل حقت
زعيم القبيله فلان بقولك احسن ترجعهم ما تركب رأس عارفك زول ضكر ما بتسرق بس بشيل هنبته لكن دحين خط الرحمان فرق قلبك
المرة دي عشان الزعيم
ما بغفره ليك قالوا قولي ...#
قالك انا
ود ردفولو عقودو حد السيف
بقطع محل العقدة المعقدوة
كم من فارس خطيتو تحتي
كم من راجل ضاق قرصت
قلعتي
كم من زعيم رجعته كلمتوا
منا راجل البخف علي عويلتوا
عندي الفارس البشيل كلمتي
حرم المتيلكم يا ما كسرته فقرتوا
ماداير أنزل قيمتكم
قالوا سمعتني قالوا أي بس نحن والله مابنرجع والا البهائم معانا يا تقتلنا نحن ماببنزل ننازلك لكن انت لو داير تقتلنا عزل اقتلنا
طبعا زول أعزل قتلوا عيب لكن مادام جابتلها كلام كدا شيلهم
بس انا مابديك ليهم كلهم عشان مايقولو انت رجعتهم من
بادي بادي خاف بس الخمشه ديل
مابديهم لو تفوت روحي كشه الباقي بقي ماراق
ديلك شالوا الباقي فاتوا
اها زولك في الطريق بقي
أكلم نفسوا
لبتين يا الأصم طريق العترة
وزولا كان كتر والا قصر اخروا قتله
منا جبان البخاف الفرقه
بس زول لمن أكبر واجب التركه
خلاص شعبنا قلع كسرة خطرة
الله اغفر نعيش باقي اخرته
طبعا بادي كان بقسمهم علي المساكين كان بسرق لا المساكين فت قرش بشيلو مافي أها
جا في بيت طرف الحله عشان اشلوا زواده قام اكورك طلعت بنيه بلحيل جميله قالتلو اتفضل ابقي داخل علي بيت في الاستراحه حق
منزلتكم أي شئ بجيك #####
نواصل المره الجايه تابعونا
